பாண்டூவின் பக்கம்

Friday, March 25, 2016

****"""

நீ தூங்கச் சென்றதால் தானோ?
கருப்பு வெள்ளையானது...
வானம்!!
- பாண்டூ.

Tuesday, March 22, 2016

- பல்லவி -

வா செல்ல கயல் குட்டி!
உன் பேர் குளிர் பனிக்கட்டி!

வா செல்ல கயல் குட்டி!
உன் பேர் குளிர் பனிக்கட்டி!

வெள்ளை சிரிப்புல கொள்ளை அடிக்குற...
கொள்ளை அழகுல உள்ளம் பறிக்கிற...

வா செல்ல கயல் குட்டி!
உன் பேர் குளிர் பனிக்கட்டி!

கதிர் ஒளியினைத் தட்டி எழுப்பிட...
கடல் அலையினை எத்தி உதைத்திட...
மணற் கரையினில் நண்டு பிடித்திட...
மன வெளியினில் இன்பம் பெருகிட...

வா செல்ல கயல் குட்டி!
உன் பேர் குளிர் பனிக்கட்டி!

- சரணம் -1 -

இருகை நீட்டி என்னை அழைத்தாய்...
நான் குழந்தையாக ஆசிர்வதித்தாய்!
மொத்த வானத்தை பார்வையில் மறைத்தாய்!
மழலை மொழியில் மெல்லிசை வடித்தாய்!

உன்னை நான்தான் சுமந்தேனோ...
என்னை நீதான் சுமந்தாயோ...

அன்னை போலவே உந்தன் மனதினில்
என்னை சுமந்திடும்...
நீயே என்தாய்!
நீயே என்தாய்!

வா செல்ல கயல் குட்டி!
உன் பேர் குளிர் பனிக்கட்டி!

- சரணம் - 2 -

ஒரு கன்னம் காட்ட முத்தம் வைத்தால்...
மறு கன்னம் காட்டி ஏங்கி நிற்பேன்!
வீட்டுச் சுவற்றினில் பாடம் நடத்திநீ
என்னை அதட்ட நானும் ரசிப்பேன்!
உன்னை நான்தான் படைத்தேனோ...
என்னை நீதான் படைத்தாயோ...

அன்னை போலவே உந்தன் மனதினில்
என்னை சுமந்திடும்...
நீயே என்தாய்!
நீயே என்தாய்!

வா செல்ல கயல் குட்டி!
உன் பேர் குளிர் பனிக்கட்டி!

- பாடலாசிரியர் பாண்டூ.

லிமரைக்கூ

கடன் தொல்லையா?
இனி ஆலோசனை சொல்ல...
இருக்கவே இருக்கார் விஜய் மல்லையா!
- பாண்டூ.

Monday, March 21, 2016

******

கல்!
நாய்!
எது நீ?
எது நான்?
- பாண்டூ.

உனைக் கண்ட நாள் முதல்

ஆண் :
உன்ன கண்ட நாள் முதலா...
என் தூக்கம் கெட்டு போனதடி!
கெட்ட கெட்ட கனவு வந்து...
என்ன தட்டிதட்டி எழுப்புதடி!

தீட்டிவச்ச அருவா ஒன்னு...
கண்ணுல வந்து போகுதடி!
வெட்டபட்ட தலை ஒன்னு...
தண்ட வாளத்துல ஓடுதடி!

கடை வீதியில நடந்தாக்க...
தொடை ரெண்டும் நடுங்குதடி!
எவன்எப்ப குத்துவானோ...
என் உசுரு துடிதுடிக்குதடி!

பெண் :
உன்ன கண்ட நாள் முதலா...
என் தூக்கம் கெட்டு போனதடா!
கெட்ட கெட்ட கனவு வந்து...
என்ன தட்டிதட்டி எழுப்புதடா!

ஆசீட்வச்ச முட்டை ஒன்னு...
கண்ணுல வந்து போகுதடா!
வெந்துபோன முகம் ஒன்ன...
கண்ணாடியும் காட்டுதடா!

பஸ்ஏறி பயணம் போனாக்க
உடலெல்லாம் உதறுதடா!
எவன் என்னை சிதைப்பானோ
என் உசுரெல்லாம் பதறுதடா!!
- பாண்டூ.
-9843610020.

Friday, March 18, 2016

பட்டிமன்றம்

இதயம் மீட்டும்
இசையைத் தருவது
வீணையா? பியானோவா?

பட்டிமன்றத்தில்
நடுவராய் நான்!

எனது தீர்ப்பு என்னவோ...
கைமீட்டும் அவைகளை விட
உன் கால் மீட்டும்
கொலுசுக்குத்தான் !!
- பாண்டூ.

Thursday, March 17, 2016

ஹைக்கூ

கனவுளை விதைத்து!
அறுவடை செய்யப்படுகிறது...
எங்கள் தூக்கம்!!
-பாண்டூ.