சிவகாசியில் 24 ஆகஸ்ட் 2013 அன்று தி ஸ்டாண்டர்டு ஃபயர் ஒர்க்ஸ் மகளிர் கல்லூரி ‘படைப்பும் படைப்பாளியும்’ என்ற தலைப்பில் கவிதை மற்றும் சிறுகதைக்கான ஒருநாள் பயிற்சிப் பட்டறையை தமிழ்துறைத் தலைவர் முனைவர் ப.கனகா அவர்கள் தலைமையில் நடத்தியது.
அதில் பயிற்றுநராக கந்தகப்பூக்கள் ஸ்ரீபதி, முத்துபாரதி, கண்மனி ராசா, நீலநிலா செண்பகராசன் ஆகியோருடன் நானும் கலந்துகொண்டு, பல கல்லூரிகளைச் சேர்ந்த நூற்றுக்கும் மேற்பட்ட மாணவ மாணவியருக்கு பயிற்சி அளித்தோம்.
இந்நிகழ்வில் கலந்துகொண்ட அனைவருக்கும் கந்தகப்பூக்கள் ஸ்ரீபதி அவர்கள் தொகுத்த ‘படைப்பு அகமும் புறமும்’ என்ற நூல் வழங்கப்பட்டது.
பயிற்சி விவரம் :
படைப்பாக்கத்திறன் - கந்தகப்பூக்கள் ஸ்ரீபதி , சிவகாசி
படைப்புச் சிந்தனை - பாண்டூ, சிவகாசி
புது கவிதைகள் - கண்மணி ராசா , இராசபாளையம்
எனது கதைகள் - முத்துபாரதி, சிவகாசி
கவிதையின் புதிய வடிவங்கள் - நீலநிலா செண்பகராசன், விருதுநகர்
படம் பார்த்து, அதற்கான கருத்தைப் பகிர்தலும் மேலும் அந்த கருத்தை மையப்படுத்தி கவிதை மற்றும் சிறுகதை எழுதி மாணவ மாணவியர் பயிற்சி பெற்றனர். அவற்றில் சிறந்த படைப்பிற்கு ஊக்க பரிசுகள் வழங்கப்பட்டன.
மேலும் நிகழ்வில் சிறப்பு விருந்தினராக, அக்கல்லூரியின் முன்னாள் மாணவியும் கவிஞருமான திருமதி.பத்மாவதி தாயுமானவன், மதுரையிலிருந்து கலந்துகொண்டார்.
பயிற்சிக்குப் பின் மாணவர்கள், பயிற்சி குறித்த தத்தமது கருத்துகளைப் பகிர்ந்தனர். இப்பயிற்சி
- எங்களையும் படைப்பை எழுதவைத்து படைப்பாளராய்உணரவைத்தது.
- வெறும் கேட்பவராக மட்டுமல்லாது கலந்துரையாடல் மூலம் எங்களையும் பங்கு பெற வைத்தது.
- அவ்வப்போது வழங்கப்பட்ட ஊக்கப்பரிசுகள் நிகழ்வை சுவாரஸ்யமாக்கின.
- பகிரப்பட்ட கருத்துகளை எப்போதும் மறந்திடா வண்ணம் புத்தகமாக கலந்துகொண்ட அனைவருக்கும் இலவசமாக வழங்கியது முத்தாய்ப்பானது.
- இதுபோன்ற பயிற்சிப் பட்டறையை இதுகாறும் கண்டதில்லை.
- மனதில் நீங்கா இடம்பிடித்த சிறந்த பயிற்சி முறை.
என்பதே மாணாக்கரின் குரலாக ஒலித்தது எங்களுக்கும் மன நிறைவைத் தந்தது.
ஆக்கம்
பாண்டூ,சிவகாசி
pandukavi16@gmail.com
9843610020
பாராட்டத்தக்க நல்ல முயற்சி
ReplyDeleteஅதனைச் சிறப்பான பதிவாக்கி
அறியத் தந்தமைக்கு
மனமார்ந்த நல்வாழ்த்துக்கள்